supuart
/-à-/
su|puart
[AF]
-
s.m.
element che al à la funzion di tignî sù:
Il telescopi principâl al è un Newton di 350 mm di diametri cun lungjece focâl di 1.750 mm (f/5), cul supuart e la montadure costruîts di lôr man dai socis Luigi Guatto e Fausto Savani (Gloria Angeli, Il Strolic furlan pal 2013)
Sin. sostegn
, poie
Cfr. soponte
, pecol
, colone
, pilastri
, base
, ponte
-
s.m.
materiâl li che si scrîf o si regjistre un contignût o si piture o si fâs une opare artistiche o sim.:
liberâts dai limits imponûts dal supuart di cjarte, ma soredut de tecnologjie de stampe, i libris a puedin jessi smembrâts e tornâts a cumbinâ seont procès multisecuenziâi ilimitâts (Mario Turello, Il brevet)
-
s.m.
(fig.)
il judâ, il dâ une man, il confuartâ e v.i.:
a van riformadis e focalizadis su lis azions di supuart aes impresis piçulis e mediis (Roberto Pensa, «La Regjon che e torni a jessi motôr di disvilup»)
Sin. assistence
, colaborazion
, jutori
, socors
, soponte
, sostegn
, poie
, aiût
, ausili
-
ce o cui che al jude, che al console e v.i.:
il malât al à dibisugne di dut il supuart terapeutic (Antoni Beline, La globalizazion de sensibilitât)