colaborazion
/-òn/
co|la|bo|ra|zi|on
[FO]
-
s.f.
il lavorâ cun cdn., in maniere di judâlu, di judâsi:
in municipi o levi dret dal segretari che mi faseve grandis fiestis. I fevelavi de preseade colaborazion di Pieri Ovan e i domandavi cjartis che mi coventavin (Alan Brusini, Gian Paolo Linda, I forescj);
interessante e utile e jere la colaborazion nassude tra i curtissârs di Manià e i cramârs dal Cjanâl de Ciline, che a garantivin la vendite dai prodots tai marcjâts dal Friûl (Luigina Di Giusto, Andrea Guaran, Mauro Pascolini, La culine furlane);
la creazion dal grup Verts-ALE tal Parlament european e infuartìs il rapuart di colaborazion [dai partîts nazionalitaris progressiscj] cui ecologjiscj (Marc Stolf, Corsiche, Scozie, paîs Basc, Catalogne, Friûl… Europe);
[Mizzau] i à dimostrât a Pitt la necessitât de colaborazion sociâl; zontant, par prionte, che, se al è par chel, a son propit i 10 milions di contadins che a garantissin la sorevivence ai 100 milions di operaris (Riedo Pup, Mizzau al bat Pitt un a zero)
Sin. cooperazion
, jutori
, partecipazion
-
s.f.
lavôr seguitîf no dipendent:
i finanziaments a son stâts doprâts par completâ chestis azions e a àn creât ocupazion di un o plui lavoradôrs ogni an, si ben che in contrat di colaborazion o dant un apalt a struturis esternis (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)