partecipazion
/-òn/
par|te|ci|pa|zi|on
[FO]
-
s.f.
il jessi presint, ancje in maniere ative, a alc:
e fo une grande partecipazion di int di ogni bande dal Friûl, cu la Messe in Basiliche celebrade di pre Checo e cjantade de corâl di Davâr (Adrian Cescje, Memoriis di politiche linguistiche);
cun partecipazions in studi e intervistis, ducj i politics che a contavin in chei agns a son passâts a Onde Furlane (Max Mauro, Un Friûl difarent: i 90 mhz di Onde Furlane)
Var. participazion
-
impegn intun confront, intune competizion e v.i.:
te ultime edizion e je stade une grande partecipazion di voris al concors [Glemone îr, vuê e doman] (Erika Adami, Laboratori di sperimentazion)
-
il vê interès e atenzion pe ativitât scolastiche:
Cuant che il messaç […] al è: "la istituzion scolastiche no je pardabon interessade ae tô lenghe e al to contest culturâl" no isal resonevul di spietâsi che a sedin des consecuencis negativis su la partecipazion e l'interès dai students aes ativitâts scolastichis? (Carlo Cecchini, Matteo Fogale, Une esperience di plurilinguisim inte didatiche de matematiche)
-
s.f.
(fig.)
sintiment di condivision dal stât emozionâl di cdn.:
cheste vôs primordiâl e je scoltade cun partecipazion emotive fuarte di un public di dutis lis etâts e di dutis lis cundizions sociâls (Walter Tomada, Pierluigi Cappello: «L’om plui concret? Il poete»)
-
s.f.
comunicazion e in particolâr biliet, in gjenar stampât, che al da comunicazion uficiâl di un matrimoni, di une nassite, di un batisim e v.i.:
se o pensi a Lise, o viôt ancjemò i biliets cu lis partecipazions des gnocis, za fa scuasi trente agns (Laurin Zuan Nardin, Cui sêstu?)
-
s.f.
[TS]
econ.
il contribuî cun altris ae costituzion di un capitâl di une aziende, di un ent e v.i. midiant l'acuist di cuotis o azions
-
cuote dal capitâl sociâl o cuote di un cualsisei capitâl:
la trasformazion de nestre finanziarie regjonâl di svilup, in finanziarie regjonâl speculative, finalizade a fâ rindi lis partecipazions de Regjon Autonome Friûl - Vignesie Julie (Fulvio Mattioni, Il futûr dal Friûl: laude ae "no sotan" economy);
[il stât talian] al à di dânus plui partecipazion tes tassis che o paìn (Francesc Placerean, Di ducj i dons dal Spiritussant, cumò al covente il don dal coragjo)
-
amin., polit.
impegnâsi par une iniziative, inisiemi cun altris, cun mieçs, organizazion, bêçs e v.i.:
[la tierce edizion dal Festival de cjançon furlane si è fat] cul sostegn de Regjon e de Provincie di Udin, de Fondazion Crup, e la partecipazion di Comun di Udin, Bcc di Manzan e Agjenzie regjonâl pe lenghe furlane (Erika Adami, Fieste de musiche in lenghe)
-
s.f.
[TS]
dir.
tes societâts democratichis, facoltât dal citadin di intervignî midiant dal dirit di vôt o di altris dirits te vite politiche e di guvier dal paîs:
istancis di democratizazion che a vignirin fûr in chei agns e a rivuardavin tancj aspiets de vite politiche, sociâl e economiche, dal ambient ae salût, de famee al lavôr, de partecipazion politiche al decentrament aministratîf (Marc Stolf, La Cjarte di Strasburc dal 1981. Une Risoluzion "storiche" e ancjemò di atualitât)