assistence
/-èn-/
a|ssis|ten|ce
[AF]
-
s.f.
il judâ, il viodi, il vê cure di cdn. o di alc:
puare vecje […] bandonade di ducj, […] viodarai cul plevan se al cjate une buine anime che puedi fai un pocje di assistence (Pieri Somede dai Marcs, Vilie di Nadâl (teatri));
lis trê cugnadis procuravin di consolâlis [done Massime Martelosse e sô fie malade] cul lôr afiet e cu la lôr continue assistence (Catarine Percude, La brût)
Sin. aiût
, confuart
, cure
, jutori
, poie
, premure
, prudêl
, socors
, solidarietât
, sostegn
Var. assistenzie
-
s.f.
servizi dât di un professionist, di un espert o sim. par judâ o par permeti di rivâ a un ciert risultât o par puartâ indevant un ciert lavôr:
par gjavâsi de dipendence dal tabac si pues contâ ancje su la poie di professioniscj e esperts, che a furnissin dute la assistence necessarie par rivâ a fâ chest pas decisîf pe salût e pal benstâ (Guglielmo Pitzalis, Stude i spagnolets!)
Sin. servizi
, aiût
, jutori
, poie
, prudêl
, sostegn
-
servizi, ufici o personâl che al jude un client a vê informazions, manutenzion e v.i.:
e lei lis istruzions, e frache dulà che al va fracât e se nol sucêt nuie, ochei, no problem, e clame la assistence (Ivano Urli, Il progrès)
-
s.f.
ativitât puartade indevant di organisims publics o privâts a pro di cierts sogjets sociâi o ancje di dute la coletivitât:
seont la Onu, tal Congo in dì di vuê a son 3 milions e mieç lis personis che a àn bisugne di assistence sanitarie e alimentâr (Renzo Balzan, Afriche insanganade)