aiût
a|iût
[AF]
-
s.m.
il judâ, il jessi judât e il lôr risultât:
o varessin vût bisugne di un consei, dal aiût di cualchidun, ma no savevin di ce bande voltâsi (Carlo Sgorlon, Il dolfin);
solidarietât e vûl di viodi di cui che al à bisugne dal to aiût, no dome economic, ma ancje di afiet e curis (AAVV, Sul florî)
-
s.m.
mieç o persone che e jude:
la frute si smolà tune vaìde (e il curut che i sbalçave). Tai braçs dal pari e cirì chel aiût che i coventave (Maria Forte, La tiere di Lansing)
Sin. poie
, saponte
, sburt
, sostegn
, supuart
-
sostegn economic:
la Marceline e veve la sô paie e l'aiût dal guvier che al rivave tes cjasis come un salustri par nudrî la canaie (Maria Forte, Cjase di Dalban);
un so nevôt cence un boro al va a domandâi un aiût, ancje un prestit, che i ocorevin i bêçs daurman (Alan Brusini, Amîs come prime)
Sin. sovenzion
, finanziament
, sussidi
-
s.m.
ancje in funz. di adi., cui che, di une posizion jerarchiche plui basse, al jude cdn. intune cierte ativitât professionâl, intune incjarie, intune funzion:
li al era dut il Comant al complet, in muntura: il colonel comandant, un colonel aiût, doi cjapitanis, trê tenents […] (Ovidio Colussi, Il pilustrât)
Sin. colaboradôr
, aiutant
, assistent
-
inter., s.m.
[CO]
invocazion di cui che al è in pericul:
Aiût che mi scjafoi! (Zaneto, Il jet);
colant jù si jere ben macolade e par istint e berlà aiût (Roberto Ongaro, Il muc)
Sin. jutori
Cfr. judâ
Polirematichis e espressions idiomatichis
Proverbis:
- consei di vieli, aiût di zovin
- miôr un aiût che no cent conseis
- par falâ nol covente aiût
