colaboradôr
co|la|bo|ra|dôr
[AF]
-
s.m.
cui che al colabore intune ativitât, spec. in nivel di subordenazion:
[Fausto Schiavi] al cjatà oposizions e incomprensions dentri de stesse scuadre dai siei colaboradôrs (Adrian Cescje, Tal non di Fausto Schiavi)
Sin. assistent
, cooperadôr
, jutori
-
cui che al lavore fis, ma no in forme di dipendent, par un gjornâl, une riviste, une cjase editore o sim. cence jessi te redazion:
inte aromai lungje storie de radio [Onde Furlane] i colaboradôrs a son simpri stâts numerôs (la medie e je tor de cincuantine) (Max Mauro, Un Friûl difarent: i 90 mhz di Onde Furlane);
fuarte di un grup di colaboradôrs straordenaris e cuntune vieste grafiche gnove, la Patrie e cirarà di stiçâ riflessions su chel che al sucêt tal nestri Friûl (Erika Adami, Il nestri sfuei, la Itache dai furlans)