premure
/-ù-/
pre|mu|re
[FO]
-
s.f.
voie o dibisugne di fâ o di finî alc in curt:
che al mi disi parcè che al è vignût e ce che al vûl […] parcè che o ai premure e mi spietin in municipi (Pieri Somede dai Marcs, Chel de formadiele);
no je nissune premure, sâstu. O ai fat nome par motivâti… Pensii sore… (Dino Virgili, La aghe da pît la cleve);
"Eh, ce premure! Sentaitsi intant!" (Roberto Ongaro, Cretevierte)
Sin. presse1
Cfr. corse
, cori
, spesseâ
-
s.f.
dimostrazion di afiet, atenzion:
se une persone nus mostre un segnâl di atenzion, di premuris… o sin prontis a impiâsi, a tacâsi vadì come elare al len (Pieri Piçul, Vieri e gnûf);
par Davit, però, e veve ancjemò dutis lis premuris: i fîcs plui dolçs, i miluçs plui madûrs, la salatute plui frescje (Maria Forte, La aghe dal Ariul)
Sin. atenzion
Proverbis:
- cui che al fale in premure al paie a pôc a pôc