pecol
/-òl/
pe|col
[CO]
-
s.m.
element de plante che al zonte une pome o une fuee cul ramaç, che dispès al reste tacât tor de pome o de fuee cuant che si lis cjape:
biei flôrs blancs scriçâts di carnisin ator di un boton di aur, lis fueis verdonis sul pecol, cinc a cinc tant che i dêts di une man (Sandri Secco dai Juris, La rose di Nadâl);
lis pomis [...] si flapivin e a colavin distacantsi scunidis dai lôr pecoi sidiâts (Roberto Ongaro, Il pecjât di Mosè)
Var. picol
-
s.m.
baston orizontâl di une scjale, di len o di altri materiâl, che si pues cjapâ cu lis mans o li che si pues poiâ i pîts:
la scjale par lâ sù tal toglât a ere a pecoi, come in dutes las cjases (Popolâr - Istitût di Ricercje Achil Telin, Il soldât muart - Friûl di mieç)
Cfr. spiergul
-
element verticâl di poie di un mobil:
jê e saveve dulà che il cugnât al platave la clâf: tal cjanton, daûr dal pecol dal mobil, cuintri il mûr (Pieri Menis, A uciei cu lis archetis);
une rustiche bancje a trê pecoi (Toni Broili, Il furlan in Parnâs)
Sin. gjambe
, pît
-
(ancje fig.)
element che al poie, che al sosten:
si sentave da pît de vît plui gruesse, che i faseve di pecol (Nin dai Nadâi, Vendemis);
il partît plui fuart in Italie, la Democrazie Cristiane, e veve fat de regjon un dai cuatri pecoi che a varessin vût di tignîle sù (Josef Marchet, La politiche dal slaif)
-
s.m.
part plui alte di un rilêf:
sul pecol, sul larc da zime / une glesie sblancjade / cuntun tor cuasi in rovine / pâr che sei sul zîl stampade (Tite Robul, Sant Zorz di Brazan);
la strade e va sù. O soi tra lis primis cjasis dal paîs, ma la strade e va ancjemò sù. O rivi sul pecol (Lelo Cjanton, Cesclans)
Sin. cuc3
, çuc
, pruc
Cfr. pic
, piche
, spiç
, spice
, cime
, ponte
, cuel
, culine
, mont
-
rive di un rilêf:
il soreli sui pecoi de mont Mariane (Dino Virgili, La aghe da pît la cleve);
i lassi a Vissens la cjasa e la braida granda, ducj i pecoi da li Centi, da li Leiti, i plans dai Griets, la Casera dal Mugnol, i doi boscs in Mont e in Cjarsuela (Novella Cantarutti, I cunfins)
Sin. rive
, cleve
-
s.m.
[TS]
enol.
vît e ue tipichis dal Friûl e vin blanc che si fâs cun chê ue
Polirematichis e espressions idiomatichis