rive
ri|ve
[FO]
-
s.f.
part di un rilêf di tiere, tant che un cuel o une mont, che e je in pendence:
al cjalà ancjemò jù pe rive, fin dulà che la strade si pierdeve tai prâts come un fossâl (Pieri Menis, Sul agâr);
li vîts petenadi e chê svintali colour di rosa che a verzelavin la riva duta verda fin in cima il cuel, a parevin proprit bon (Novella Cantarutti, La Santa)
Sin. cueste
, cleve
Var. ribe
-
s.f.
percors o part di strade o sim. in pendence:
"Cheste rive, e po o sin" dissal Zuanat. E Toful al faseve di sì cul cjâf stomblant i cjavai sù pe rive (Dino Virgili, La aghe da pît la cleve);
dilunc la rive che e menave a Vendâs, la moto e ronfave di ligrie (Alan Brusini, Par stradis lungjis)
Sin. montade
, rampe
-
ancje te microtoponomastiche:
a plan teren in rive dal Zardin (Toni Broili, Vite del Anticuari del Friûl)
-
s.f.
fasse di tiere che e je dilunc des aghis dal mâr, di un lât o di un flum:
une fasse di bârs di nûl e orlave la rive erte de Istrie (Agnul di Spere, Int no consumade);
su la rive dal flum i pôi che a movevin lis fueis (Checo Tam, La maree nere);
senza spietâ rispuesta, ripassava il puint, disleiava una barcja da la riva del flun, montava dentri, e clamava ancjamò una volta: «Barba, vignîso?» (Federigo Comelli, Il me paîs)
Sin. cueste
, lît1
, ôr
, rivâl1
, spuinde
Var. ribe
-
in ciertis citâts che a son dongje sul mâr o che a son traviersadis di une aghe, strade o pedrât dilunc de aghe:
el spetacul des rivis iluminadis mi fâs restâ a bocje viarte. E cjantin in lontanance: Notte di Venezia mia, / Notte di splendor, / Notte di malia! (Arturo Feruglio, Viaç a Vignesie)
Polirematichis e espressions idiomatichis