spuinde
spuin|de
[AF]
-
s.f.
fasse di tiere dilunc di une aghe:
il zovin a dute gnot al tornà su la spuinde dal mâr, si ficjà in fonts da barcje sot di une sente e si comedà parsore cualche bree par no jessi scuviert (Luigi Gortani, Un paîs misteriôs);
un fantat, vistît come che al jere, si jere butât ta la aghe che i rivave al cuel e al veve sburtade la femine viers la spuinde; ma nol jere nuie di fâ, chê biade e jere za muarte (Pieri Menis, Chei di Muraie)
Sin. cueste
, rive
-
s.f.
part laterâl di une struture, dispès plui alte, plui fuarte, cun funzions di parâ o di contignî:
nol coventà nancje peâle [la mobilie] parcè che il cjar al veve lis spuindis altis e la robe no si sarès nancje mote (Carlo Sgorlon, Prime di sere);
si indurmidì cence visâsi, cul cerneli poiât su la spuinde dal jetut (Gianni Gregoricchio, Trê feminis)