di rive jù
[AF]
-
loc.av., loc.adi.inv.
cun inclinazion o moviment che al va injù:
a plan o di rive jù al dave plui gas al motôr e corint si rinfrescjave, ma al tignive simpri la gjachete a tîr par metile sù se e vignive une bugade di fresc (Carlo Sgorlon, Prime di sere);
i alpins, usâts a cjaminâ in montagne, di rive jù a corevin plui dai bersalîrs che a àn lis gjambis curtis (Alan Brusini, Amîs come prime)
Sin. di rive injù
-
loc.av., loc.adi.inv.
(fig.)
cun facilitât, cence sfuarç:
come che al sucêt in dutis lis robis, passât il burlaç al rive il padin e si cjape snait par dâsi di fâ. Ma la gnove partence de radio no je di rive jù (Max Mauro, Un Friûl difarent: i 90 mhz di Onde Furlane)
Sin. di rive injù
-
cence paiâ:
stant che il clinto al vignive di rive jù, al bevè tant che, tor des cinc di sere, i vignì une coliche di fiât che a scugnirin clamâ la comari, stant che a Cretevierte il miedi nol jere (Roberto Ongaro, Cretevierte)
Sin. dibant
, a gratis
, gratis
-
loc.av., loc.adi.inv.
(fig.)
al mancul, in declin:
cuant che si va di rive jù [te vecjaie], al è miôr no metisi a confront cu la frescjece de zoventût (Maria Forte, Cjase di Dalban)
Components:
Proverbis:
- di rive jù ducj i sants a judin