Dizionari de Lenghe Furlane

di rive sù    [AF]

1. loc.av., loc.adi.inv. cun inclinazion o moviment che al va insù:  mi soi inviât bande de glesie, di rive sù par chê stradele di claps che tu mi âs nomenât cetantis voltis (Enrico Martina, Ricuarts e inlusions); si jere poiât cuintri dal arbul e al soflave, come che al ves fate une corse di rive sù (Gianni Gregoricchio, Îr e doman)
   Sin. di rive insù
2. loc.av., loc.adi.inv. (fig.) cun fadie, cun sfuarç:  dut chest nus fâs capî che la strade pe autonomie e je segnade di pâi e di stralencs, e je strete e malsigure, dute di rive sù (Antoni Beline, Autonomiscj si nas)
   Sin. di rive insù

Components:

• rive s.f.
• sù av., inter., s.m.inv., adi.inv.