piche
pi|che
[AF]
-
s.f.
forme o struture a ponte, part di alc li che si zontin dôs bandis o part estreme di alc:
si suie i voi cu la piche dal grumâl (Arturo Feruglio, In cîl e je une stele!…);
al va a sentâsi su chê altre piche di bancje (Pieri Somede dai Marcs, Butìnle in staiare);
mi soi cjatât a doprâ pe prime volte un strument cussì speciâl [un assensôr] par lâ su la piche di un cjampanili! (Arturo Feruglio, Viaç a Vignesie)
Sin. pic
, ponte
, spiç
, spice
, cjanton
-
s.f.
part plui alte di un rilêf, soredut di une mont, ancje in oronims o microtoponims:
su la piche dal Freikofel in doi agns i alpins a vevin foropât par lunc e par traviers la crete dure (Pieri Menis, Cemût che o soi restât caporâl);
cumò Checo al cjalave la piche dal Mataiûr, crote tant che une coce (Gianni Gregoricchio, Îr e doman)
Sin. cuc3
, pic
, cime
, spiç
, spice
, çuc
-
s.f.
(fig.)
pont plui alt o intens o favorevul di un fenomen:
capîso la grandece? Capîso la impuartance? Il tren al è la piche, il pont plui alt de culture e de tecniche umane! (Stiefin Morat, Donald dal Tiliment);
la rivolte dal 1511 […] e rapresente la piche plui alte di une lungje lote puartade indenant des comunitâts rurâls furlanis par difindi i lôr dirits (Carli Pup, Zornade Furlane dai Dirits numar 5)
Sin. colm
, colme
, pic
, spice
-
s.f.
arme di tai formade di une aste lungje cuntune grande lame di metal a ponte:
une vuardie dal gjastalt, un omenon cuntune piche (Carlo Tolazzi, La salamandrie tal fûc);
cuant che vegnin dei cjars cjariâts di fen […] un uficiâl o sotuficiâl cun diviars soldâts i vadin incuintra par visitâlu cun de lis pichis o altris instruments spiçs (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Cfr. lance
, aste
, alabarde
-
s.f.
barete a trê pontis doprade dai predis:
int a plene strade e, ultin, bessôl, cul libri dal ufici sot il braç, e ancje lui la piche sul cjâf, il vicjari (Alviero Negro, Il vicjari e i framassons)
Cfr. cuadrât
-
s.f.
(fig.)
il pretindi e ce che si pretint cun ustinazion e ancje cuintri reson:
"[…] sietâ, cuant che si ûl ben come che ti 'nd vuei jo, al è dolorôs…" "Ti prei, alore: cîr di distrigâti. Jessi malcontents in doi par une piche dai tiei!" "Ma no je une piche, crodimal." (Bruno Paolo Pellarini, Ninenane)
Sin. capriç
, ghiribiç
, pretese
Polirematichis e espressions idiomatichis