aste
as|te
[AF]
-
s.f.
toc di len, o ancje di altri materiâl, lunc e avonde sutîl:
la aste de bandiere e butave une ombrene lungje tai curtîi (Carlo Sgorlon, Il dolfin)
Sin. baston
, piertie
Cfr. bachet
, bachete
, pâl
, speroâl
, standart
, steche
, racli
, tanali
, anghîr
-
[TS]
arm.
mani lunc e sutîl de lance, o par anton. dute la arme:
e esist ancjemò la foradure dal bossul par fissâ la aste midiant un claut (Lucio Perès, Une lance longobarde cjatade a Baracêt)
-
[TS]
sport
imprest lunc sutîl e flessibil doprât te atletiche par pontâsi e saltâ in altece parsore di un ostacul
-
s.f.
(fig.)
cuarp di persone alt e slançât:
ancje la Tunine e veve une biele aste, la muse che e plaseve e voi turchins che a obleavin a volêi ben (Maria Forte, Cjase di Dalban)
-
persone cuntun cuarp alt e slançât:
Menie puarete ere cuete in Toni, che l'ere une biele aste di zovin (Giuseppe Ferdinando del Torre, La fie capriçose e il contrabandîr)
-
s.f.
liniute curte e drete fate spec. par tignî un cont o tant che esercizi prime di imparâ a scrivi lis letaris:
in prime elementâr si faseve dome lis astis e l'alfabet (Mario Beltramini, Jo e Graziella);
lis pagjinis a jerin fissis di astis fatis cul lapis, ce di largjis ce di stretis, ce di lungjis e ce di curtis (Pieri Menis, Il cuader de none)
-
s.f.
vendite publiche a cui che al ufrìs di paiâ di plui:
i viei si cjalavin tai voi cu la muse di muart. La cjase e lave a la aste. O la braide; o chel e chel (Dino Virgili, La aghe da pît la cleve)
Polirematichis e espressions idiomatichis