baston
/-òn/
bas|ton
[CO, FO, TS]
-
s.m.
toc lunc di len:
fermâ la veture par lâ a movi un baston, un ramaç che al steve di traviers te strade (Alan Brusini, Come tai romançs);
al è jessût dal puartonut di spalts inviantsi in premure sù pe strade plene di polvar cul so sacut tacât sul baston butât su lis spadulis (Pieri Menis, Vigji il cuintribandîr);
il baston de bandiere;
il baston des tindinis
Sin. mace
, manecul
, manel
, racli
, ranganel
, aste
Var. boston
-
s.m.
toc di len, o ancje di metal o di altri materiâl, par poiâsi cjaminant:
cumò si moveve nome cul zirel o cul baston (Checo Tam, Anglia Ford 1960)
-
toc di len de stesse sorte, ma ancje dome di mode o di bielece, cence funzion pratiche:
si fracà sul cjâf il cjapiel dûr, a bombete, al cjolè daûr de puarte il baston cul pomul di arint e si metè in viaç par lâ a messe ultime (Pieri Menis, Il «pigjama»)
Sin. baguline
-
(fig.)
pont di riferiment, di poie morâl o psicologjiche:
che no nus mancji mai il baston che nus ten sù tai moments de strachetât e dal sfiniment (Antoni Beline, Sant Jacum, là che al finìs il mont)
-
s.m.
[TS]
sport
imprest lunc e plui o mancul fin, doprât in plui dissiplinis par bati la bale o sim.:
cualchidun al proponè di fâ une partide di golf. [...] Bepo Malin al veve cjolt sù il sac dai bastons (Eugjeni Marcuç, Liende a Sant Zuan)
Sin. mace
-
s.m.
toc di len, o in câs di altri materiâl, par dâ jù:
il cjan, tignût a bade dal baston dal piorâr, si jere metût a urlâ di lôf (Pieri Somede dai Marcs, Clâr e scûr);
al prin di Mai dal 1867 e sucêt une gruesse insubordenazion di bande di dusinte contadins armâts cun bastons, falçs e imprescj dai cjamps (Elio Varutti, Il Risorziment a Martignà)
-
s.m.
violence:
al capìs dome che il baston
-
s.m.
(fig.)
massime in riferiment aes ditaturis, esercizi violent dal podê:
striçâ ogni libertât individuâl e coletive, imolade sul altâr di une Patrie imponude a colps di retoriche, demagogjie e baston (Angelo Floramo, Cuintristorie dal Nûfcent 1920-1930)
-
s.m.
(fig.)
autoritât, podê, comant:
sô mari, come un brigadîr cence cûr, e comandave, e tignive in man lis clâfs e il baston (Pieri Menis, Chei di Muraie);
timorose di pierdi il baston dal comant, di cedi la cjace, di sei primade te considerazion dal fi (Roberto Ongaro, Cretevierte)
-
s.m.
confezion strete e lungje di cjocolate, di toron e v.i.:
al à mangjât dut un baston di cjocolate;
un baston di mandolât
-
s.m.
stangje di açâl che si dopre par armâ il ciment
-
s.m.
[CO, TS]
zûcs
un dai cuatri pâi des cjartis di briscule, che al à di simbul macis:
butâ jù il cuatri di baston
Polirematichis e espressions idiomatichis
Proverbis:
- al vâl plui il baston di un pastôr che no la medisine di un grant dotôr
- cuant che no zove la reson, si dopre il baston
- il pari bon al dopre il baston
- lunc o curt, un baston al è simpri un baston
- pal mus al vûl baston