Dizionari de Lenghe Furlane

bachete  /-chè-/  ba|che|te  [AF]

1. s.f. ramaç sutîl e plui o mancul lunc:  il svuizulâr al lave in rose e lis bachetis di chei altris lens vieris e induridis vie pal Unviar si sglonfavin di butui (Dino Virgili, La aghe da pît la cleve); la cise cuadrade di rôl di une vecje bressane e jere cressude a mat, sierant dentri, tun intric di ramaçs e di bachetis, la piçule cabocje dal oseladôr (Pieri Menis, Destins)
   Sin. bachet
   
   1. toc di len sutîl e plui o mancul lunc:  slargjait la cjamese dal frutat sul paviment ben a larc e cuntune bachete di noglâr, atent, di une sole menade, batêt parsore (Pieri Menis, Vigji il cuintribandîr)
   2. toc sutîl e plui o mancul lunc ancje di altris materiâi:  meti a boli il rest [dal lat di mandulis] cu la piel di limon e la bachete di canele (Sandri Carrozzo, Menjar blanc)
2. s.f. toc di len, plui o mancul sutîl e lunc, doprât par direzi o ancje par cjastiâ:  il mestri de musiche al alçave la bachete (Pieri Menis, Il fiâr dal plevan)
   Cfr. bachet , vuiscje , vuadule
   
   1. (fig.) autoritât, severitât:  o sin stâts a scuele insiemi, sot la bachete dal mestri Clocjat (Josef Marchet, Lis predicjis dal muini)
3. s.f. [TS] arm. aste sutile che si doprave par cjariâ de bocje lis sclopis di une volte:  cu la man dreta si cjol abàs la baioneta, e si tira fûr la bacheta (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); a fevelavin dal nono e de sô sclope a bachete co al leve a cjace in Sclavanie (Alan Brusini, Par stradis lungjis)
4. s.f. [TS] mec. orghin di trasmission formât di une aste fine

Polirematichis e espressions idiomatichis

• a bachete loc.av., loc.adi.inv.

Proverbis:

• bisugne pleâ la bachete, l'arbul si romp