steche
/stè-/
ste|che
[CO]
-
s.f.
bachet lunc e plui o mancul sutîl:
ombrelins cun 24 stechis (Costantino Smaniotto, Maridâsi…!?);
une sole rampe di scjale cul pareman di len a stechis (Pieri Somede dai Marcs, Un pugn di moscjis);
al veve rot une steche dai ocjâi (Antonino Danelutto, Le cheche pintude)
-
[CO, TS]
zûcs
len lunc e sutîl, che al va a scarmîsi de bande de ponte, che si dopre par zuiâ di biliart:
"Siôr Pepiz, che mi fei un plasê, che vadi bati un pâr di colps par me." (i da la steca) (Luîs Merlo, Puor Naziut);
intune altre sale, il biliart faseve bacilâ trê o cuatri moscardins, plens di morbin ma pôc pratics de steche (Bepo Marion, Chei di une volte (a Cividât))
-
s.f.
persone alte e di biele figure:
cuntune biele biondone scometi, no, je castane, une steche scometi (Zuan Morsan, Zovin di lune)
Sin. aste
-
s.f.
imprest dret e plan, dispès cun segnadis misuris, par dissegnâ liniis dretis:
cul compàs e cu la steche (Eugjeni Marcuç, Liende a Sant Zuan)
Sin. rie
-
s.f.
[CO, TS]
artes.
toc di len di bos doprât dai cjaliârs par slissâ la suele
Sin. steculine
-
s.f.
erôr intune esecuzion musicâl:
ogni tant la trombe e tirave cualchi steche (Gianni Gregoricchio, Îr e doman);
e la onde melodiche / dal coro dai cjocs / tapone lis stechis / che fasin i scjops (Romeo Battistig (?), Ai Piombi)
-
s.f.
robe di mangjâ, soredut dolce, in forme lungje e drete:
un scornòs di narançs e une steche di mandolât (Carlo Sgorlon, Il dolfin)
Sin. baston
-
confezion di prodot, ancje no di mangjâ, pal solit di spagnolets, in forme lungje e drete:
al jere rivât a vê cualchi steche di nazionâls (Amedeo Giacomini, Tal ospedâl)
-
s.f.
colp fuart dât par fâ mâl:
al tira cuatri stecas di chês ben sauridas / in musa a di chel cjastron (Giorgio Ferigo, Adelina)
-
s.f.
bevude une vore bondante di alcolics e efiet dal alcul bevût in grande bondance, che al fâs pierdi la luciditât:
a fuarce di bevucjâ o ai cjapade mieze steche (Giulio Andrea Pirona, Novo vocabolario friulano)
Sin. simie
, bale
, pipine
, trusse
, susine
, cjoche
, sfisie
, plombe
, cuete1
, çufule
, çusse
, implombade
, incjocade
, piruce
, plene
, strissule
, parussule
, civuite
, sborgne
, invreasade
, sbrosigne
, sissule
, stonfe
-
s.f.
biliet di bancje:
«Par chê bestie, no ti doi ni une steche ni une pipine. E je un crep!» (Maria Forte, Sensârs)
Cfr. monede
, pipine
