pipine
/-ìn-/
pi|pi|ne
[AF]
-
s.f.
figure di peçot o di altri materiâl in forme di frute, fate par zuiâ:
no ise chê frute che îr l'altri e cragnave par nie, che e veve saldo tal braç la pipine di peçot? (Alan Brusini, Come tai romançs);
Miriam, sô sûr, e durmive pacjifiche, cu la pipine di peçote sul cussin (Gianni Gregoricchio, Trê feminis);
une volte, a sagre a Cortâl, o ai viodût un om che al cjalave lis pipinis di scus cun tante amirazion (Cristina Noacco, Faliscjis)
Sin. pipinote
, pupine
, pupe
, pine
, pinute
Cfr. pipin
, pupin
, pipinot
-
s.f.
frute o frutine, in gjenar une vore biele e ninine:
«Pine… comari.. cjale, e je nassude une pipine, Pinute! … Viodile, ce tesaur… Un butul di garoful…» (Pieri Menis, Chei di Muraie)
Sin. pine
, nine
, pupine
-
s.f.
femine zovine, biele e ben regolade:
e jere une pipine dute in gringule come se e fos stade simpri in vetrine (Josef Marchet, Lis predicjis dal muini)
Sin. pupine
-
s.f.
viôt pipine dal voli
:
si imparè tes pipinis di Zenco la pôre de grinte de puare Missere che i veve fat fâ il prin vistît gnûf (Meni Ucel, La ombrene);
diferente e je la nestre piel, lis nestris mans, i cjavei, il slusî des pipinis (Raffaele Serafini, B123ST)
Sin. pupine
-
[LE]
(fig.)
riflès, imagjin rifletude:
la aghe e treme jenfri lis gravis e i claps, e la pipine des robis, ribaltade dentri, e smalite cence padin (Dino Virgili, La aghe da pît la cleve)
-
s.f.
(pop.)
grande bevude di alcolics, cun ducj i efiets produsûts dal alcul:
i plaseve il got e cualchi pipine di fieste le cjapave ancje lui (Pieri Somede dai Marcs, A jerin lagrimis);
o vin cjapade une pipine di wisky (Dino Virgili, La aghe da pît la cleve);
mi vevin fate tirâ sù une pipine sacratissime e dopo di vêmi ridût e sorât fin avonde, mi vevin lassât dute la gnot sul prât a cjapâ il bagnum (Pieri Menis, La gjaline robade);
si fermave in paîs uns doi o trê dîs, passant di une ostarie a chê altre, cjapant sù di chês pipinis che Diu nus vuardi (Meni Ucel, Credit)
Sin. cjoche
, simie
, çusse
, plombe
, bale
, plene
, susine
, piruce
, strissule
, parussule
, civuite
, sfisie
, steche
, sborgne
, cuete1
, implombade
, incjocade
, invreasade
, sbrosigne
, sissule
-
s.f.
(fig., zerg.)
cjarte monede, biliet di bancje di tai grues:
«Va sù tal scansel che tu sâs, che a son bêçs strents tun leam, e puartimi jù dôs pipinis» (Maria Forte, La tiere di Lansing);
[finide la stagjon su la fornâs] si tornave sul zalî des fueis a Perdon di Rosari o, la plui lungje, pai Sants, cuntun sorenon e cualchi pipine di cent de bande dal cûr (Dino Virgili, Il mulin)
Polirematichis e espressions idiomatichis
