pupe
pu|pe
[CO]
-
s.f.
figure di peçot o di altri materiâl in forme di frute o di femine, fate par zuiâ:
"Te tol ain na bela roba: na pupa! La ûsto na bela pupina?" (Osvaldo Martinelli Fozza, Le cucole de Ja);
rosis blancjis, come ombrenutis di pupis, miezis scuindudis daûr di altris arbui (Jolanda Mazzon, Di là de rêt)
Sin. pipinote
, pupine
-
s.f.
frute o frutine, in gjenar une vore biele e ninine:
Norine e strucjà la butilie intune scugjele, le resentà e le tornà a Teresiti: "Cor mo a cjase. Viôt di stâ atente pa strade... tu sâs..." La pupe e ere daûr a passâ l'antîl (Domeni Zannier, La crete che no vai)
Sin. pine
, nine
, pipine
-
s.f.
femine zovine, biele e ben regolade, ancje tant che apelatîf di afiet:
epûr purissis, pupa, / adoris aiudâmi alegramentri (Zuan Batiste Donât, Epûr purissis, pupa)
Sin. pipine
, pupine