Dizionari de Lenghe Furlane

simie  /sì-/  si|mi|e  [AF, TS]

1. s.f. zool.com. denominazion gjeneriche dai mamifars dal ordin dai Primats:  e vie a fâ il zîr di dutis lis barachis: a viodi la simie, a viodi a trai ai bussulots, a viodi a mangjâ stope e spudâ fûc (Riedo Pup, I furlans e Sante Catarine)
   
   1. zool. mamifar dal sotordin des Simiis:  di un pont di viste evolutîf, l'om al fâs part dai Ominidis o simiis antropomorfis, une famee di primâts che e ten dentri il gorile, l'orangutan, il simpanzè e il bonobo (Franc Fari, Eric Pascul, Autonomie e democrazie, i numars de socializazion umane)
2. s.f. (fig., spres.) cui che al imite, che al va daûr di un model:  "Viôtstu po? E ti parial che al sedi judizi noaltris puaretis, che nus tocje di lavorâ, a fâ lis simiis des lôr modis?" (Catarine Percude, La plui biele)
   Sin. simiot
   
   1. persone dispetose
3. s.f. (pop.) grande bevude di alcolics, cun ducj i efiets produsûts dal alcul:  ce simie, ce bale, ce cjoche… o soi impressionât (Alberto Zeppieri, Ah… ah… ce parussule!); al veve intorsi une simie che al varès podût menâse ator cu la cjadenute a balâ su lis placis, ma al jere destin che chê cjoche no si finìs li (Roberto Ongaro, Cretevierte); vin di Rosacis si beveve, / il cuâl a trops plaseve, / ma intal fin de sgrimie / deventarin leons cu la grant simie (Ermes di Colorêt, I, 181)
   Sin. cjoche , plombe , çusse , pipine , bale , plene , susine , piruce , strissule , parussule , civuite , sfisie , steche , sborgne , cuete¹ , implombade , incjocade , invreasade , sbrosigne
   
   1. crisi di astinence di alcul:  se cualchi malât di chês altris stanziis, sintintsi la simie su la schene, nol tacave a sberlâ, al podeve ancje metisi a durmî (Amedeo Giacomini, Tal ospedâl)

Polirematichis e espressions idiomatichis

• mâl de simie loc.s.m.