Dizionari de Lenghe Furlane

plene  /plè-/  ple|ne  [CO]

1. s.f. nivel massim o nivel une vore plui alt dal normâl che e rivin lis aghe di un flum, in gjenar par vie di ploie fuarte e seguitive:  che anzit, la plene de Fele, jessude rabiose tal 2003 a mangjâ fûr Valcjanâl e Cjanâl dal Fier, nus servissi di insegnament (Angelo Floramo, Cuintristorie dal Nûfcent 2000-2010); l'Ariul, cu lis plenis de ploie o l'intric sut dai siei claps, i lens indarintâts e la tiessidure de cise, al jere un bon confin (Maria Forte, La aghe dal Ariul); al rivà sul ôr dal Cormôr in plene (Pieri Menis, Vigji il cuintribandîr)
   Sin. montane , brentane
2. s.f. grande cuantitât di personis che a jemplin un puest:  in glesie, Messe grande cjantade, in tierç, une plene di chês, fintremai difûr sot i olms dal sagrât (Dino Virgili, La aghe da pît la cleve); [la opare] jersere è lade in sene, / e o vin vût une plene!… / L'istès che lis sardelis erin fis (Pieri Çorut, Bolzan e la sô sagre)
   Sin. fuligate , sdrume , daidai , pestefole , pestefruce , badaluc , drughe , flote , frache , fulugne , grum , sdrum , colmace , fole¹
3. s.f. (fig.) grande cuantitât o intensitât di cualsisei robe o fenomen:  lis peraulis no rivaressin a esprimi la plene di ce che il cûr al rive a sintî (Gianni Gregoricchio, Trê feminis)
   Sin. montane , brentane , colme
4. s.f. azion di jemplâ, di fâ che alc al sedi plen o al torni a jessi plen:  ogni vot dîs si jevarà il cjalcon cun dut il canoncin par dâ la plene [aes botis di vin] (Giuseppe Ferdinando del Torre, Il contadinel. Lunari par l'an 1867)
   Sin. jemplade
   Cfr. plen
5. s.f. (pop.) grande bevude di alcolics, cun ducj i efiets produsûts dal alcul:  ogni sere al è in plene (Giulio Andrea Pirona, Ercole Carletti, Giovanni Battista Corgnali, Il Nuovo Pirona); "Ce plene, cjo!" "Eh, sì!" "O ai ancjimò il cjâf grues tant che une coce marine… Ce ore jerie?" (Laurin Zuan Nardin, Il pari)
   Sin. cjoche , simie , çusse , pipine , bale , plombe , susine , piruce , strissule , parussule , civuite , sfisie , steche , sborgne , cuete¹ , implombade , incjocade , invreasade , sbrosigne

Polirematichis e espressions idiomatichis

• dâ la plene loc.v.
• lune plene loc.s.f.

Proverbis:

• daspò cene une prese di tabac e fâs la plene
• no si da mai la rassade se no je plene la mezine
• un biel predicjâ il dizun a panze plene