Dizionari de Lenghe Furlane

stragjo  stra|gjo  [CO]

1. s.m. copament di un grant numar di personis o in câs di altris vivents:  pensâ ai procès politics che mai a àn fat justizie: il stragjo di Bologne, Ustiche... (Tonin Cjapielâr, Lôr nus condanin nô)
   Sin. distermini , maçalizi , stermini , massacri , stragje
   
   1. copament ancje di un o pôcs individuis, ma caraterizât di grande violence e crudeltât:  Dorine, biade femine, [...] di pôre che Carlin, no si sa mai, al fasès un stragjo [copant sô mari] e stave atente a dut, ancje di gnot (Pieri Menis, Chei di Muraie)
   2. (iperb.) violence estreme e efiet de violence ancje cence che la vitime e mueri
   3. (fig.) distruzion massive ancje di alc che no sedin vivents
2. s.m. grande cuantitât:  al à cognossût un stragjo di int e al à lassât tancj amîs che no volevin che si pierdès la sô memorie (Antoni Beline, Un puar libri par un "Puar don Bosco")
   Sin. sdrum , sdrume , sglavin , distermini , stragje , sdrumarie , sdrumerie , tasse¹ , slac , disio , desio , disordin , sdavàs , sfulmin , slavin , strassin , grum , mont¹ , folc , pestefruce , slavine , sglavine , maree , mac , lavine , flagjel , côl , sac , baûl , straviodi² , davoi