Dizionari de Lenghe Furlane

lavine  /-ì-/  la|vi|ne  [CO, TS]

1. s.f. gjeogr. fenomen li che une masse di nêf e slache jù par une cleve e masse di nêf che e slache jù:  "Che al vadi biel planc, siôr curât, sot i palons, par vie de lavine..." (Ercole Carletti, Il çoc)
   Var. livine , slavine , sglavine
2. s.f. gjeogr. fenomen li che une masse di tiere e claps di une rive e slache jù e masse di materiâl che al slache jù:  a nal era pi il troi e li ploiis al vevin strassinât jù una lavina fin da pie, su la strada (Novella Cantarutti, Il sâr Menon)
   Sin. slac
3. s.f. gjeogr. part di rive di une mont che e je stade tocjade di chel fenomen, li che a son dams te vegjetazion e tal prin strât di tiere e materiâl ingrumât:  al rivà a varcs fin su la lavina, uì al si ingrumà davour un cret e, cuant che il soldât a i capità dongja, al lu sburtà tal nuia a sfrasselâsi (Novella Cantarutti, Il Bolp)
4. s.f. (fig.) cualsisei fat che al cjape cun violence, al strissine, al sdrume:  oh cjase nestre abandonade / sence capî, sence savê, / sot il sdrumâsi de lavine [pe disfate di Cjaurêt] (Ercole Carletti, Frammento)
5. s.f. (fig.) grande cuantitât di robis, materiâls o imateriâls, o di personis:  e veve butât fûr une lavine di peraulis tal so lengaç (Gianni Gregoricchio, Îr e doman)
   Sin. grum , mont¹ , sglavin , tasse¹ , slac , sdrum , sdrumarie , sdrumerie , folc , sdavàs , slavin , pestefruce , slavine , sglavine , maree , mac , sdrume , flagjel , stermini , distermini , disordin , côl , stragje , stragjo , sfulmin , sac , baûl , straviodi²