Dizionari de Lenghe Furlane

slac  slac  [AF]

1. s.m. colade di tiere o ancje crets e altris elements dal teren di une rive:  l'om muart tal slac di un fossôr (Maria Forte, Sul cjar di Pauli Gurin); la mont ator di Tarcint, tormentade dai slacs e dal abandon, e à vût la stesse dinamiche di spopolament (Walter Tomada, Dôs zimulutis a inluminin Stele)
   Cfr. lavine , sdrumade
   
   1. il colâ ancje di altris materiâi e la part di struture colade o restade vueide pe mancjance dal materiâl colât:  un di ca e un di là di un slac dal mûr, a dîsi peraulis lampidis come la aghe monde (Maria Forte, Cjase di Dalban)
   2. (fig.) il colâ, il disfâsi ancje di alc di astrat o di une struture organizative:  la fin dal Mûr e il slac dal bloc comunist (Max Mauro, Un Friûl difarent: i 90 mhz di Onde Furlane)
      Sin. sdrumade , disfate , colade¹
2. s.m. (fig.) grande cuantitât:  come rispueste i capitave aduès un slac di blestemis (Alan Brusini, Gian Paolo Linda, I forescj); e veve simpri un slac di robis di fâ (Carlo Sgorlon, Il dolfin)
   Sin. grum , mont¹ , sglavin , tasse¹ , sdrume , sdrum , sdrumarie , sdrumerie , folc , sdavàs , slavin , pestefruce , slavine , sglavine , maree , mac , lavine , flagjel , stermini , distermini , disordin , côl , stragje , stragjo , sfulmin , sac , baûl , straviodi²

Polirematichis e espressions idiomatichis

• a slac loc.av., loc.adi.inv.
• a slacs loc.av., loc.adi.inv.