maçalizi
/-lì-/
ma|ça|li|zi
[AF]
-
s.m.
copament di tantis personis, o ancje di tantis bestiis o di altris vivents:
di insom la Cjargne fint ad ôr di Monfalcon al fo dut un maçalizi: undis bataiis dome sul Lusinç, centenârs di miârs di muarts (Francesc Placerean, Cuintristorie dal Friûl dal 1866 fint in dì di vuê);
o ai fate une scjampade a Udin la vilie di Nadâl. Mari Sante benedete, ce campionaris di goloseçs par dutis lis vetrinis! Ce maçalizi di purcits, di vidiei, di cjapons, di poleçs che a àn di vê fat i becjârs! (Josef Marchet, Lis predicjis dal muini)
Sin. ecatombe
, massacri
, stragje
, coparie
, becjarie1
, fruce
, macili
, maçadice
, maçarili
, ecidi
Cfr. spieli
-
copament ancje di un o pôcs individuis, ma caraterizât di grande violence e crudeltât:
Galiano cumò nol veve la solite muse ruane. Al jere blanc e terorizât pe vision di un cadavar. Il Mangassià al le a viodi il maçalizi e jo daûr di lu (Checo Tam, Sense);
Nicolau di Lussemburc (1350-1358), fradilastri dal Imperadôr, che al dovè meti ordin dopo dal maçalizi di Bertrant di Saint Geniès (Angelo Floramo, La corone imperiâl di simpri peade al Friûl)
