plombe
/-ò-/
plom|be
[CO]
-
s.f.
(ancje fig.)
il colâ, il plombâ jù, il vignî jù cun fuarce:
o ai fat une grant plombe; mi ai scussât i zenoi (Bruno Staffuzza, Sturiutis di Zarvignan)
Sin. ribalton
, rodolon
, rondule
, voltolon
, plomp1
, tombule
-
in particolâr de lûs dal soreli, il vignî jù drete e fuarte cuant che il soreli al è alt:
dute la campagne e buiave te plombe ferme dal soreli (Dino Virgili, La massarie);
une biele dì al viôt tal bosc trê grandis magnis incolaçadis te plombe dal soreli (Andreina Nicoloso Ciceri, Maletegne - Racconti popolari friulani I)
-
s.f.
(pop.)
grande bevude di alcolics, cun ducj i efiets produsûts dal alcul:
culì o vês copadis dindiis, o vês fatis fuiacis, o vês disniçâts socoi, o vês tiradis sù plombis di fâ spavent (Josef Marchet, Lis predicjis dal muini);
e in chel sot lis bancjis / pe plombe fatâl, / sparìs un dai solits… / Cui isal? Nadâl… (Romeo Battistig (?), Ai Piombi);
"Mi semee che il cjâf al vebi di sclopâmi." "O sfidi. Cun chê plombe che tu vevis intor cheste gnot […]" (Gianni Gregoricchio, Storie di Ide)
Sin. cjoche
, simie
, çusse
, pipine
, bale
, plene
, susine
, piruce
, strissule
, parussule
, civuite
, sfisie
, steche
, sborgne
, cuete1
, implombade
, incjocade
, invreasade
, sbrosigne
Polirematichis e espressions idiomatichis