Dizionari de Lenghe Furlane

pilastri  /-à-/  pi|las|tri  [AF, TS]

1. s.m. arch., edil., inz.civ. sostegn verticâl, in gjenar cun sezion poligonâl, soredut par sopuartâ il pês di un arc, di une volte, di un templâr e v.i.:  la glesie plene di ombris lungjis di standarts e rivocave lis preieris lunc jù la navade jenfri pilastris e mûrs e lis slargjave come un lament (Maria Forte, La gnot di Radeschi); tal mieç dal locâl al jere un puarton, cui pilastris di piere (Pieri Menis, Chei di Muraie)
   Cfr. colone , jone
   
   1. anat. struture anatomiche plui o mancul cilindriche in gjenar cun funzions di poie
   2. med. in odontoiatrie, dint là che e je fissade une protesi
   3. sport intal alpinisim, cret isolât, plui o mancul cilindric e cu lis parêts verticâls
      Sin. tor² , cjampanili
2. s.m. (fig.) ce o cui che e à une grande impuartance, che al fâs di poie o di fonde:  la lenghe e je il pilastri, l'element essenziâl, la espression plui cualificante di ogni culture (Riedo Pup, Al jere une volte il furlan); chel articul al jere un dai doi pilastris de azion di politiche linguistiche dal Olf (Adrian Cescje, Memoriis di politiche linguistiche)
   Sin. colone , jone