tor2
/-ò-/
tor
[FO]
-
s.f.
costruzion alte, in gjenar fortificade, cun plante poligonâl o circolâr, bessole o zontade a edificis, spec. cjistiei, fuartecis e v.i.:
il cjistiel si mostrà, subit dopo, come un grant cjasament parsore de alture. Ce spetacul lis scjalinadis e ancje l'orloi grant su la tor! (Maria Forte, La tiere di Lansing)
Sin. torate
-
s.f.
[TS]
tecn.
struture verticâl par operazions tecnichis o sientifichis
-
supuart alt, di mûr o ancje di stangjis e cablis o altris materiâi, che al ten sù struturis:
e esist cualchi foto […] che e mostre dai oms rimpinâts sù par une tor di fier balarine [par montâ la antene de radio] (Max Mauro, Un Friûl difarent: i 90 mhz di Onde Furlane)
-
s.m., s.f.
costruzion alte, tacade o in bande de glesie, che insom e à lis cjampanis:
il paîs là vie tal bas plui che viodilu si induvinavilu, cul so tor dret tal mieç come un vuardian (Pieri Menis, Sul agâr);
la cjampane grande dal tor, sù in alt, e sunave la avemarie e une vongule di pâs e involuçave i mûrs de canoniche, tal scurut de sere (Pieri Somede dai Marcs, Ta la ombrene de canoniche);
i sbîrs che stevin ancje lôr cuiets su la crôs in alt dal tor, come la tampieste si butin di ca e di là, ti zirin e ti sivilin che ti sturnìs (Dolfo Zorzut, La furlane)
Sin. tor de glesie
, cjampanili
, tor dal cjampanili
Cfr. toresse
-
s.f.
[TS]
zûcs
toc dai scacs che al pues movisi dome in verticâl e orizontâl, viôt roc2
:
une pedine, un cjaval o une tor parsore une scachiere (Carlo Sgorlon, Il dolfin)
Proverbis:
- la glesie e je simpri plui piçule dal tor