torate
/-à-/
to|ra|te
[AF]
-
s.f.
costruzion fortificade che e ven sù alte e semplice, cun plante taronde, cuadre o poligonâl, bessole o dentri di complès di difese o presidi, dispès tai cjantons di muraiis o li des puartis:
Catine e passà il puarton dal cjiscjel, sot de torate cuadre, cul cûr intal grop dal cuel (Gianni Gregoricchio, Trê feminis);
S. Vît dal Tiliment al merte dal sigûr une visite, cu la sô impostazion medievâl, il borc centrâl contornât des muris e lis trê toratis inmò ben conservadis (Venusia Dominici, Lis tradizions dal Friûl ocidentâl)
Sin. tor2
-
part plui alte e difindude di un cjistiel:
la torate dal cjastiel di Prampar (Alviero Negro, Lis çariesis pe mari di sant Pieri)
Sin. turion
-
s.f.
costruzion o part di costruzion alte, ma cence finalitâts difensivis:
i Batistons a sgjavarin juste sul çuc une grande fonde, e sù i mûrs maestris de cjase, la lobie, la arie, il toblât, i cjôts: alte sul cjanton, la torate de colombere come in vuaite, e il gjalut di lamarin su la nape (Dino Virgili, La aghe da pît la cleve)
Sin. tor2