Dizionari de Lenghe Furlane

base  ba|se  [FO]

1. s.f. part basse di alc, pal solit cun funzions di supuart:  e ven slargjade la base [de antene] cun dodis cubis di beton, e e ven montade une "sprolungje" di dîs metris (Max Mauro, Un Friûl difarent: i 90 mhz di Onde Furlane); pocjis colonis restadis su la base dal Templi (Adrian Cescje, Viaç aes origjins dal Logos)
   Sin. basament , poie , saponte , sostegn , supuart
2. s.f. [CO, TS] gjeom. lâts ideâl di poie di une figure plane:  il probleme al è chel di calcolâ la base dal triangul savint la altece e il perimetri
   
   1. face ideâl di poie di une figure solide:  une struture che e siere tor ator il fabricât (42 × 47 m di base e alte 54 m) (Alessandro Pascolini, Il disastri de centrâl nucleâr di Fukushima Dai-ichi)
3. s.f. (fig.) element che al ten sù un resonament, un discors, une deduzion, une acuse e v.i.:  Zorç Cjaval al veve tignude la relazion di introduzion, che e fo la base teoriche de conversion nazionalitarie de formazion e dai rapuarts cun altris partîts nazionalitaris e rivoluzionaris europeans (Adrian Cescje, Memoriis di politiche linguistiche); mignaculis cence base storiche (Enos Costantin, Il Friûl e la Vignesie Julie, une Regjon voltade mâl)
   Sin. fondament , principi , poie , supuest , fonde
   
   1. element plui impuartant intune cualsisei dinamiche, sedi concrete che astrate:  la musiche e je simpri stade, e cussì e je ancje cumò, massime pai zovins, la base dal divertiment (AAVV, Sul florî); mangjâ san e fâ sport cun misure a son lis basis de salût
4. s.f. element, materiâl plui impuartant, carateristic o bondant di une struture:  celis solârs su base organiche (Lorenzo Marcolini, Lis celis organichis nanostruturadis)
5. s.f. element plui sempliç e plui impuartant di une dissipline:  par dile tra di nô, che nissun al sinti, mi mancje la base storiche de istruzion (Arturo Feruglio, Viaç a Vignesie); se no si àn claris almancul lis basis de comunicazion […] si va indevant juste a fâ ce che a àn fat chei altris (Sandri Di Suald, Comunicâ la autonomie)
   Sin. fondament , fonde
   
   1. adi.inv. dal grât plui sempliç:  cors di lenghe furlane (nivel base, intermedi, avanzât […]) (Patrizia Pavatti, La tutele de lenghe furlane a scuele); imparâ lis tecnichis base di scriture di un test teatrâl (Erika Adami, Voie di teatri in lenghe)
6. s.f. lûc li che si preparin e di dontri che a partissin azions, soredut militârs, esplorativis, sportivis e v.i.:  sclavitûts militârs in Friûl, complicadis de presince des basis militârs Nato (Adrian Cescje, Memoriis di politiche linguistiche); o apartign'n a la raze umane e o vin basis in dute la Galassie (Checo Tam, Sense)
7. s.f. complès di iscrits o di sostignidôrs di un partît, di un moviment, di une organizazion e v.i.:  sintî il pols de base eletorâl (Josef Marchet, No sin contents!); impresis piçulis e mezanis cuntune base societarie ristrete e cuntune evoluzion tecnologjiche continuade (Redazion il Diari, La sgrife de mafie su la economie dal Nord)
8. s.f. polente:  i passave cualchi plat di mignestre o une fete cjalde di base (Maria Forte, Il bal spisimât des ombrenis); [la polente] e jere tant impuartante e indispensabile che i fornasîrs le clamavin adiriture «base» (Riedo Pup, I furlans e la blave); intant al scurive e su la fornâs a sfadiavin ancjemò, fin che dal cuchil une vôs e sberlà «Base, … base! E je cuete!» (Maria Forte, La tiere di Lansing)
9. s.f. [TS] chim. compost in stât di gjenerâ in aghe un ambient basic
   
   1. acetôr di protons
10. s.f. [TS] mat. numar che si partìs di chel par ciertis operazions, massime di elevazion a potence
11. s.f. [TS] eletr. eletrodi di control di un transistor
12. s.f. [TS] ling. forme linguistiche che e prodûs altris formis, in sens diacronic e/o sincronic:  base etimologjiche; base verbâl
13. s.f. [CO, TS] cosm. creme pe muse che si met prime dal truc, ancje in funzion di adi.inv.
    
    1. tinte di fonts
    2. smalt incolôr par ongulis che si met prime di chel colorât
14. s.f. [CO, TS] mus. toc musicâl regjistrât, doprât tant che supuart par esecuzions strumentâls o vocâls dal vîf
15. s.f. [TS] sport tal baseball ognidun dai cjantons dal cuadri di zûc tignût di un zuiadôr

Polirematichis e espressions idiomatichis

• su la base di loc.prep.