fonde
/-ò-/
fon|de
[FO]
-
s.f.
part basse cun funzion di poie, ancje dentri te tiere, di une struture, pal solit edilizie:
o vin fat lis fondis, che a rivin jù fintremai a 50 metris sot tiere, e par cumò o sin rivâts a tirâ sù la struture fintremai al plan teren (Oscar Puntel, Mario Collavino: une bandiere furlane parsore il gnûf World Trade Center di New York);
e puartà il discors su la cjase gnove di 'Sebio che di un pieç no lave plui indenant des fondis (Alan Brusini, Un om di mont)
Sin. fondament
, fondazion
-
s.f.
(fig.)
cualsisei element che al ten sù un cualsisei alc o ancje personis o struturis, ancje dal pont di viste psicololgjic, organizatîf e v.i.:
lis principâls istituzions e associazions furlanis a sburtin par viodi ricognossût il dirit di vê trasmissions radiotelevisivis in lenghe, che al cjate la sô fonde propit te [leç] 482 (Erika Adami, La lenghe furlane tai mieçs di comunicazion);
la infatuazion pal mont antîc e pe classicitât che si disvele a tacâ dal Umanisim e vie pai secui seguitîfs e je leade ae ricercje des fondis filosofichis, politichis, culturâls e ideâls pe gnove societât che in Europe e jere daûr a nassi (Fabian Ros, La invenzion dal stât)
Sin. base
, fondament
, principi
, poie
-
corispondence cu la realtât:
la int ni no proteste ni no si da di maravee; parcè che juste apont e capìs a colp che la notizie no à fonde (Riedo Pup, Cinccent a la volte)
Sin. mani
-
s.f.
element une vore impuartant:
se la gjenetiche e je une des fondis par studiâ la biologjie umane, la neurologjie e je ancjemò plui impuartante par capî il "misteri" de persone umane (Franc Fari, Il cjâf dai furlans)
Sin. fondament
, supuest
-
s.f.
strât di tiere buine di coltivâ:
nol cres nuie di sest là dentri […] cun chê fonde dismembrade, e chê gravine che e art sù dut, te canicule (Maria Forte, Cjase di Dalban)
-
s.f.
[FÛ]
sorte di borse di piel o corean, fissade ae siele dal cjaval
Polirematichis e espressions idiomatichis