Dizionari de Lenghe Furlane

mani  ma|ni  [FO]

1. s.m. part di alc fate par jessi cjapade cu lis mans:  si voltave ogni tant a cjalâ chê plebe e al palpave il mani de massanghe come un gjenerâl il manaçon de spade (Riedo Pup, Il prin moto); il vieli Burin al jere daûr a scussâ un mani di forcje, cul ceselet, sot da la arie (Dino Virgili, La aghe da pît la cleve); une scove tant fruiade che e veve nome doi spelocs e il mani (Alan Brusini, Amîs come prime); a un ciert pont al fermà il lavôr par vie che si jere strenzude la piel cul mani des fuarpiis (Carlo Sgorlon, Prime di sere)
   Cfr. mantie
   
   1. gjambe di une plante o di une rose:  chel garoful cence mani, / indorât, sù par chel mûr, / cuant che al passe il gno cjâr zovin, / disarês che al è il gno cûr (Popolâr, Chel garoful cence mani)
2. s.m. (fig.) lavôr, spec. lavôr di fadie:  no i va il mani e al cîr di ogni bande une ocjute che lu tiri cuc e lu mantegni (Josef Marchet, Lis predicjis dal muini)
3. s.m. (fig.) fondament, element fondamentâl, nature:  il guvier da la Austrie in Friûl al veve dôs pecjis tal mani: al jere, ancje chel, un guvier forest e al jere, massime tal imprin, un guvier reazionari (Josef Marchet, Cuintristorie dal Friûl fin sot la Italie)
4. s.m. (eufem., pop.) orghin sessuâl masculin, spec. in erezion:  al jere un tipo che al varà vût un mani di trente centimetris… no, crodimi, no matei… (Checo Tam, Ecstasy)
   Sin. bighe¹

Polirematichis e espressions idiomatichis

• butâ il mani daûr de manarie loc.v.
• dâ di tete al mani loc.v.
• tignî la mescule pal mani loc.v.
• vê il curtìs pal mani loc.v.
• vê mani loc.v.
• vêle par un bon mani loc.v.

Proverbis:

• a fuarce di lâ la sele tal poç, e lasse il mani
• cui che al sa fâ la cite al sa fâ ancje il mani
• Diu al è chel che al à fat ancje il mani des cjariesiis
• dut al passe fûr che il mani dal furducjin
• il mani al è tacât a la fersorie
• il mani nol è lontan de fersorie
• ogni fuee e à il so mani
• ogni pome e à il so mani