Dizionari de Lenghe Furlane

salam  /-àm/  sa|lam  [FO]

1. s.m. robe insacade fate di cjar, pal solit di purcit, e ardiel, masanade e salade, che si pues mangjâ crût:  un salam stagjonât; par disniçâ la famE scomençarin cul pan e salam (Pieri Çorut, Il gustâ); dut il borc al puartave la robe purcine a infumâ; a jerin stangjis di salams e di luianiis, di muset, di mule e polmonarie picjadis sù pai trâfs dal sofit neri (Pieri Menis, Il cuader de none)
   Sin. salât
   Var. salamp , salanc , salan
   
   1. in paragons o metaforis, par cdn o alc leât strent:  pal moment al è lât. I lei mans e pîts […] […] "A proposit: o ai mandât une scuadre a cirîti tal to ufici. Induvine ce che àn cjatât?" "Un salamp!" (Sandri Di Suald, Ah! la provincie)
2. s.m. (fig.) persone imberdeade o pôc inteligjente, pôc elegante, ancje tant che ofese lizere gjeneriche:  " […] (si met a bacanà e po si volte viers Mariute) e po tu intindaressis di cjoli chel salam alì…" (Pieri Somede dai Marcs, La buteghe dal barbîr)
   Sin. baban , balort , banducel , barbezuan , basoâl , batecul , batocj , bocâl , catùs , cocâl , cudumar , çus , dordel , gnoc , gnognul , gnotul , inçussît , insemenît , manel , martuf , marzoc , mone , orgnan , pantalon , pote , biât , sacodâl , semplon , stupidel , stupit , sturnel , tololò , trus
3. s.m. [BF] (fig., volg.) orghin sessuâl masculin
   Sin. bighe¹ , bigul , cuaiat , pandolat , parussat , parussul , parussulat , polam , sbrissul , uciel , vêt

Polirematichis e espressions idiomatichis

• dâ pan e salam loc.v.

Proverbis:

• cui che al picje i salams ju dispicje
• pluitost che murî di fam, si adatisi a mangjâ pan e salam