Dizionari de Lenghe Furlane

cocâl  co|câl  [AF]

1. s.m. uciel di mâr, di plui speciis de famee dai Laridis, in particolâr Chroicocephalus ridibundus, blanc e grîs, cun parts neris, bec fuart, che al mangje pes, moluscs, carognis, vanzums des scovacis e v.i.:  ondis ator di lui e aiar fresc e cocâi che a svolavin, a scortavin la nâf, velis blancjis cuintri il blu dal cîl (Checo Tam, La vuere di Checo); fat il bagn, a tornarin tal albierc, cjaminant a planc pal troi, sul ôr jenfri savalon e jerbe, dulà che il cîl dai cocâi al devente il cîl des cisilis (Agnul di Spere, Zûcs di Istât)
   Sin. smurgnic
2. s.m. cui che al è une vore pôc inteligjent:  si puedial savê cui che al è chel cocâl che al à mandât indevant il test dal articul vignût fûr vuê sul gjornâl in prime pagjine? (Gianfranco Pellegrini, Fenomenologjiis de disrealizazion mediatiche); nô o restarin alì tant che cocâi, sul moment (Pieri Menis, La setemane rosse); e noaltris cocâi che o vin fate une bataie di principi par difindi il consorzi (Dree Valcic, Il scandul des Latariis Furlanis al pues deventâ une buine lezion)
   Sin. balort , balote , barbezuan , batecul , batocj , biadin , catùs , coion , corli , cudumar , çondar , dordei , dordul , gnoc , gnogno , gnognul , imbambinît , lodul , mamo , marlup , martuf , marzoc , mierli , mincjon , mone , monighe , pantalon , pote , salam , semplon , socol , stupit , totolò , aloc , bacalà , biât , dordel , gnotul , çus , sturnel , basoâl