Dizionari de Lenghe Furlane

basoâl  ba|so|âl  [AF]

1. s.m. cui che al è une vore pôc inteligjent, ancje tant che ofese gjeneriche:  so pari al comence a sberlâi: "Macaco! Basoâl! Lâ a riscjâ la piel par chei atris!" (Alan Brusini, Amîs come prime); Checo al è un basoâl! Simpri stât e al si è lassât imbussulâ di chel Genariello (Pieri Somede dai Marcs, La buteghe dal barbîr); in ce mont vivistu, basoâl? (Pieri Piçul, Vieri e gnûf); Pauli al veve cjacarât cinc minûts cun Toni Tolp, un fantat di Vidulis che cun dut il sorenon che daspò incà al menave a spas nol jere un basoâl (Agnul di Spere, Cjalant la rive)
   Sin. aloc , balote , barbezuan , batecul , batocj , biadin , catùs , coion , corli , cudumar , çondar , dordei , dordul , gnoc , gnogno , gnognul , imbambinît , lodul , mamo , marlup , mierli , mincjon , mone , monighe , pantalon , pote , salam , semplon , socol , stupit , totolò , biât , cretin , brocul , incoionît , râf , pistum , sacodâl , sturnel , sturnît , baban , bacalà , lolo , mauc , mus , babuin
   Var. basavuâl , basuâl

Proverbis:

• ultin di carnevâl al po fâlu cualunche basoâl