Dizionari de Lenghe Furlane

râf  râf  [CO, TS]

1. s.m. bot.com., gastr. plante dal gjenar Brassica, lat.sient. Brassica rapa, e soredut lidrîs di chê plante, taronde o fusade cu la polpe clare, che si mangje:  e jere a robâ i râfs te braide. Le ai viodude cun chescj voi, jenfri lûs e scûr. In scrufuiut. Che e ingrampave la viscje par tirâ i râfs e jemplâ il sac (Maria Forte, La gnot di Radeschi); no si straçave nuie. Dut bon: râfs, patatis, sioris di cincuantin, cudumars, tors di verze (Riedo Pup, I furlans e la fam); mangjâ cuatri cjistinis sot lis boris, / un râf, un rati sôl, cun un miluç (Ermes di Colorêt, I, 208)
   Cfr. ufiel , pitiniç , broade
2. s.m. (fig.) cui che al è pôc inteligjent, che nol capìs, ancje tant che ofese:  "Che a mi lassi cjaçâi un scufiot a chel râf di brovade..." (Pieri Piçul, Vieri e gnûf)
   Sin. stupit , basoâl , ufiel , gnogno , mauc , salam , biât , cudumar , gnoc , macaron , aloc , baban , balote , barbezuan , batecul , batocj , biadin , catùs , cocâl , coion , corli , cretin , dordel , gnognul , gnotul , imbambinît , imbecîl , lodul , mamo , marlup , martuf , marzoc , mierli , mincjon , mone , monighe , pantalon , pote , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , pistum

Polirematichis e espressions idiomatichis

• cjapâ un râf par un trâf loc.v.
• gjavâ un râf di ravine loc.v.
• pierdi sac e râfs loc.v.

Proverbis:

• a Pasche Tafanie, il râf al piert il cûr e la anime
• a sant Simon si gjave il râf e il raviçon
• miôr vuê il râf e doman la code