Dizionari de Lenghe Furlane

stupin  /-ìn/  stu|pin  [CO]

1. s.m. fîl o tiessût tubulâr che al bruse tes lums o intes cjandelis:  sul cumò une tace di aghe sante cuntun ramaç di ulîf benedet e dongje une ate dulà che sore da la aghe a balave une magle di vueli cuntun stupin impiât (Celestino Vezzi, In vegle)
   Sin. pavêr
   Var. stopin
2. s.m. toc di tiessût o fas di fibris fat sù strent e doprât par netâ:  freant a cjalcjave il stupin sul cûl dai cjalderuçs (Fabio Barbaceit, L'arioplano)
   
   1. [TS] sart. toc di tiessût fat sù strent, taiuçât o sfiliât di une bande, doprât dai sartôrs par bagnâ i tiessûts prime di sopressâju
      Sin. spongàs
3. s.m. [FÛ, TS] med. cilindri o pirul di bombâs o di altre fibre imbombît di sostancis medisinâls, di aplicâ par vie anâl:  plens di stupins da maroelis (Zuan Batiste Donât, Testamint di barba Pisul Stentadiça, con la sentenzia del stalent sêr Prudentul Striçaleçs da Coder)
4. s.m. pirul di cjarte butât, pal solit cu la cerebotane o cuntune canele doprade tant che cerebotane, soredut dai fruts di scuele
5. s.m. (fig.) cui che al è une vore pôc inteligjent, ancje tant che titul di ofese:  simpri pront di imbrucjâle, la rime, / dâ la tache al braurôs, al stupin (F. S., In muart del mio Maxil)
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupit , stupinot