Dizionari de Lenghe Furlane

batecul  /-è-/  ba|te|cul  [CO]

1. s.m. acessori di puartis o puartons, formât di un toc di metal, dispès lavorât par parê bon, fissât te puarte cuntun cancar o un anel, in maniere che si puedi movi e bati te puarte stesse par tucâ:  rivada devant al puarton, che no veva il batecul, jê veva cjolt sù un clap e veva scomensât bati sul puarton, par sveâ chei di dentri (Ranieri Mario Cossâr, La storia di Smeralda e di Varnieri); e jere une puarte tipo chês vecjis di une volte cul batecul tal mieç de puarte par bati (Mario Beltramini, Jo e Graziella)
   Sin. batel² , banducel
   Var. batacul
2. s.m. strument fat di une sorte di martiel di len che si môf tor di un pivot fissât tune bree, doprât par fâ sunsûr prime di Pasche, cuant che lis cjampanis no sunin:  i vignive iniment che tal indoman i fruts in glesie a sunavin cu lis scraçulis e i batecui (Carlo Sgorlon, Prime di sere)
3. s.m. (fig.) persone pôc inteligjente, ancje tant che ofese gjeneriche:  "Crodêso che sedi tant batecul jo?" (Dolfo Zorzut, El cjaliâr sence paùre); "O soi une puare batecule a cjapâme" (Jolanda Mazzon, Cungjò Friûl)
   Sin. simiot , aloc , balote , barbezuan , batali , batocj , biadin , catùs , coion , corli , cudumar , çondar , dordei , dordul , gnoc , gnogno , gnognul , imbambinît , lodul , mamo , marlup , mierli , mincjon , mone , monighe , pantalon , pote , salam , semplon , socol , stupit , totolò , biât , cretin , brocul , incoionît , râf , pistum , sacodâl , sturnel , sturnît , babuin , bacalà , lolo , mauc , basoâl , mus , gnotul , baban , dordel

Proverbis:

• no si po fâ di Crist e bati batecui