Dizionari de Lenghe Furlane

pistum  /-ùm/  pis|tum  [CO, TS]

1. s.m. gastr. preparazion fate di plui ingredients pestâts, taçâts o masanâts, in gjenar par jemplâ pitancis farsidis:  colombins, cudulins e bandulis / empladis cul pistum fat cu lis mandulis (Ermes di Colorêt, I, 180); jo cuei vuampis empladis / e stoi des bielis dadis / par emplâlis con gras o con formadi, / e l'è pistum di amì / sence uve passe, e l'è plui dolç di un fi (Anonim, Lement di un vieli inemorât); cjalçons (sfuei di lasagnis e un tic di pistum dentri) (Andreina Nicoloso Ciceri, Testimonianze del popolo cormonese)
   Var. pestum
   Cfr. pestât
   
   1. preparazion di plui ingredients pestâts, taçâts o masanâts, cuets come mignestre
   2. preparazion di plui ingredients ancje di dâ di mangjâ aes bestiis:  [i ôcs] ju ingosarin di pistum, di fueutis verdis e tenarinis, e po vie ducj insiemi, a puartâju tal cjôt su la fuee secje che e criçave (Maria Forte, I ôcs di Miute)
      Sin. paston
2. s.m. gastr. pitance fate di tocs avonde grues, in gjenar di forme cilindriche, di un impast di pan gratât, ûfs e altris ingredients, bulîts ta la aghe o tal brût di purcit:  ricete pal pistum: si impaste pan gratât, farine di forment, spinaze pestade, ûfs, sucar, ue passe, pignûi, cedrins, canele e altris droghis, si dai la forme di gnocs grues e si met a boli (Redazion SFF, Il Strolic furlan pal 1936)
   Cfr. gnoc , macaron
   
   1. ognidun di chei tocs di impast
3. s.m. (fig.) persone pôc inteligjente, ancje tant che ofese gjeneriche:  che il folc ti trai, pistum (Zaneto, Dal çoc si taie la stiele); al si presente su la puarte un soldât todesc cuntune muse di pistum che no us dîs (Pieri Somede dai Marcs, Une scarpute)
   Sin. gnoc , macaron , biât , stupit , gnogno , aloc , baban , balote , basoâl , barbezuan , batecul , batocj , biadin , catùs , cocâl , coion , corli , cudumar , cretin , dordel , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot , talpon , ufiel

Proverbis:

• ogni bocje il so pistum
• ogni cjâf la sô idee, ogni cjase il so costum, ogni bocje il so pistum