Dizionari de Lenghe Furlane

dordel  /-èl/  dor|del  [CO]

1. s.m. [CO, TS] ornit.com. uciel dal gjenar Turdus, lat.sient. Turdus philomelos, cu la plume maron sore e zalite cun maglutis scuris sot, cognossût pal so cjant melodiôs:  une volte un dordel al becolave / in un sterp di cerniculis / la pomule che je la sô passion (Enrico Fruch, Il dordel); Eliseo al veve tal carnîr dôs cuaiis e cualchi dordel (Carlo Sgorlon, Prime di sere)
   Var. dordei , dordul
2. s.m. (fig.) in metaforis o paragons, cui che al è une vore pôc inteligjent, ancje tant che ofese gjeneriche:  ancje i plui grancj dordei a varessin vût di viarzi i voi (Josef Marchet, Il manarin tal cûr); "Ma ce raze di dordel chel là sul palc… al dîs dome strambolots" (Checo Tam, Minigonis); e lui, chel dordel, al à di vignîmi a dâ sù la vôs parcè che o ai dite alc (Dree Valcic, Il scandul des Latariis Furlanis al pues deventâ une buine lezion)
   Sin. balote , barbezuan , batecul , batocj , biadin , catùs , coion , corli , cudumar , çondar , gnoc , gnogno , gnognul , imbambinît , lodul , mamo , marlup , martuf , marzoc , mierli , mincjon , mone , monighe , pantalon , pote , salam , semplon , socol , stupit , totolò , aloc , bacalà , biât , cocâl , gnotul , çus , sturnel , basoâl , merlot