Dizionari de Lenghe Furlane

sturnel  /-èl/  stur|nel  [CO]

1. s.m. [CO, TS] ornit.com. uciel dal ordin dai Passeriformis, un pôc plui piçul dal mierli, di colôr scûr cun maglutis claris, cu la code avonde curte, che dispès al pues formâ scjaps une vore grancj, lat.sient. Sturnus vulgaris:  lis vîts disgjaveladis a jerin neris di sturnei e passaris (Alan Brusini, Come tai romançs); un scjap / di sturnei / si innee / intal soreli / intant che o dîs / un «De profundis»... (Nin dai Nadâi, De profundis)
   Var. stornel
2. s.m. (fig.) in metaforis o paragons, cui che al è une vore pôc inteligjent, ancje tant che ofese gjeneriche:  ma us parial che i taramotâts a sedin stâts ducj sturnei? La int des tendopolis no je stupide, no son pioris (Igor Londero, Cuintristorie dal taramot); biât sturnel a inludisi! (Jolanda Mazzon, Cungjò Friûl)
   Sin. balote , barbezuan , batecul , batocj , biadin , catùs , coion , corli , cudumar , çondar , gnoc , gnogno , gnognul , imbambinît , lodul , mamo , marlup , martuf , marzoc , mierli , mincjon , mone , monighe , pantalon , pote , salam , semplon , socol , stupit , totolò , aloc , bacalà , biât , cocâl , gnotul , çus , dordel , basoâl , merlot , sdarnali , talpon , ufiel