Dizionari de Lenghe Furlane

talpon  /-òn/  tal|pon  [CO, TS]

1. s.m. bot.com. arbul alt cu lis fueis in forme di cûr, che al cres dongje dai flums e che al ven plantât soredut pal len o par fâ cjarte, lat. sient. Populus nigra:  al paron a lu à mandât tal bosc a taiâ talpons (Popolâr - Elvia Appi, Renato Appi, Un pataf par paga - Racconti popolari friulani II)
   Sin. pôl neri , pôl¹
   
   1. marang. len di chel arbul, lizêr e tenar e doprât soredut par robis di pôc presi:  [la casse di muart] a no era di talpon coma chela dei sotans (Pieri Nonis, La muart)
2. s.m. çoc di cualsisei arbul, toc di cualsisei arbul taiât che al reste inlidrisât par tiere
   Sin. çoc , çocje
3. s.m. persone pôc inteligjente:  ma par finîla prest, us disarai, / che il grant talpon di vedua cun chel scrit / donava la sô cjasa al tâl dei tâi (Zuan Luîs Filli, Almanac di Guriza par l'an comun 1857)
   Sin. aloc , baban , balote , basoâl , barbezuan , batecul , batocj , biadin , biât , catùs , cocâl , coion , corli , cudumar , cretin , dordel , gnoc , gnogno , gnognul , gnotul , imbambinît , imbecîl , lodul , mamo , marlup , mauc , martuf , marzoc , mierli , mincjon , mone , monighe , pantalon , pote , râf , salam , semplon , socol , storcli , çus , totolò , trus , bacalà , sturnel , dordul , teto , tarlup , insemenît , incoionît , tambûr , idiote , pigne¹ , sdarnali , stombli , stupin , stupinot

Proverbis:

• la raze no va sù pal talpon