çocje
/-ò-/
ço|cje
[AF]
-
s.f.
part basse di un arbul, spec. in riferiment a ce che al reste ancjemò te tiere dopo taiât l'arbul:
al pareve che a vessin cjapât gust a voltâ e a savoltâ chê tiere malandrete, a dreçâ rivâi, a jemplâ fossâi, a boscâ, a gjavâ çocjis e meti jù vîts (Pieri Menis, Agne Ursule);
al tornave a cognossi i trois jenfri i lens, come une scuvierte. Al saveve ad a ments ogni çocje, ogni sterp, scuasit ogni pulin (Maria Forte, Dome la cjampanute di Sant Bortul);
bisugnave stâ atents di no lâ a inçopedâsi tes çocjis dai pins taiâts di pôc (Pieri Menis, Tal bosc di Kebespok)
Sin. çoc
, tolp
Cfr. pedâl
, tronc
, taie
, clocje
-
s.f.
toc di len grues, di brusâ, ancje cuntune part des lidrîs:
cualchi volte une çocje di rôl o di cjastinâr e ardeve par une setemane mandant fûr filainis di fum blanc e lusignis (Pieri Menis, Il cuader de none);
al saborà il fûc e al butà une grampe di manei par tignî impiade la çocje e al tirà dongje dal fogolâr un pâr di cjadreons (Pieri Somede dai Marcs, Nadâl);
o tignarìn a cjase di vore il frut. Ti darà une man… cjoli aghe, puartâ dongje lens, sclapâ çocjis, fâ la spese (Dino Virgili, La aghe da pît la cleve)
Sin. çonc
, çoc
Cfr. len
, nadalin
, bore
-
s.f.
(fig.)
origjin comune di personis, fameis, comunitâts, popui, lenghis e v.i.:
a Buffalo la int che e cognosseve e jere la plui part di çocje polache o todescje (Agnul di Spere, Te grande place);
pe diocesi di Udin, fint al dì di vuê, nol è mai stât fat un arcivescul di çocje furlane (Francesc Placerean, Cuintristorie dal Friûl dal 1866 fint in dì di vuê);
i cjantons de Svuizare a son di cuatri çocjis e di cuatri lenghis (Josef Marchet, La nestre muse)
Sin. çoc
, cep
, gjernazie
, raze2
, riunde
Proverbis:
- di une çocje di vuar no si po fâ lum
- par grande che e sedi la çocje a fuarce di fâ setiç si consume
- tor di une çocje a trops impulins