Dizionari de Lenghe Furlane

len  /-è-/  len  [FO]

1. s.m. materie che e forme la part dure dal tronc e dai ramaçs dai arbui:  une sole rampe di scjale cul pareman di len a stechis (Pieri Somede dai Marcs, Un pugn di moscjis); une taule di len scûr e cuatri cjadreis cul schenâl pitost alt a segnavin il cjanton dal gustâ (Carlo Tolazzi, La salamandrie tal fûc)
   Var. legn , lent² , lenc
2. s.m. toc di chel materiâl:  o stavi daûr a scuadrâ il len par un pâr di dalminis (Josef Marchet, Lis predicjis dal muini)
   
   1. len lunc che si pues tignî in man e doprâ, spec. par bati:  e cjolmi me, cjolmi ninine / che jo ti doi di mangjâ ben / e a misdì ti doi vuaìnis / e a la sere cuntun len (Popolâr, E la ligrie)
      Sin. mace , manecul , manel , racli , ranganel , baston
   2. (fig.) violence:  capî dome il len
   3. spec. tal pl., toc di chel materiâl doprât par brusâ:  il consum dal materiâl, dal carburant, dai lens par scjaldâsi (Josef Marchet, Il cancar); lis cjasis in file cui lens intassâts sot la linde (Alan Brusini, Gian Paolo Linda, I forescj)
   4. tant che tiermin di paragon par robis duris, fermis e v.i.:  si jere indurmidide come un len, di tant strache che e jere (Pieri Menis, Il fi de Rosse); cui puedial voltâ un len di chê fate, crevâsi, murî, ma pleâsi mai… (Pieri Somede dai Marcs, Gnot di Nadâl); il maridaç al lu faserin tal indoman a bunora: Cerenglat al era dûr come un len e la Uta rossa rossa cuntun grant fassalet sul cjâf (Novella Cantarutti, "Uta, Ututa improntiti")
3. s.m. plante cun fust alt:  al conosseva il bosc di Viea cui lens vecjus di centenârs di agn (Novella Cantarutti, I cjans di not); une gnot cjalde di Istât cui zupets che a cisavin sù pai lens (Alan Brusini, Il svindic di Rosute)
   Sin. arbul , morâr
4. s.m. cjar tirât di cjavai par puartâ personis:  e rive e i servitôrs / son pronts a la portele / e sbasse il cjâf e snele / dismonte jù di len (Pieri Çorut, I bagns di Betine); si veva fermât devant la puarta da locanda una carossa, a Silicuta veva dâti un bot tal cûr! Jê veva subita cognossût chel len, e pôc dopo jara dismontât jù so morôs (Ranieri Mario Cossâr, Il luminut da la Madona)
   Sin. caroce

Polirematichis e espressions idiomatichis

• capot di len loc.s.m.
• cjace di len loc.s.f.
• len blanc loc.s.m.
• len dolç loc.s.m.

Proverbis:

• a brusâ lens verts, si fâs fum e no fûc
• al fari il fier, al cjaliâr il corean, al marangon il len e al miedi i rimiedis
• al vûl inzen a messedâle cul len
• al vûl inzen ancje a fâ la polente cul len
• bisugne savê doprâ il len par nudrî la prole ben
• cualchi len al nas par indorâ, cualchidun par bati il mus e cualchidun par fâ coronis
• cuant che si vûl bastonâ, si cjate simpri un len
• cuntun len sôl no si fâs fûc
• daspò brusâts i lens si raspe lis stielis
• di chel len al è, di chel savôr al sa
• dulà che nol rive il len nol rive il fros
• finîts i lens, si raspin lis stielis
• i lens verts a fasin fum
• i vûl inzen a fâ la mignestre cul len
• ogni jerbe e fâs la sô semence e ogni len la sô pome
• ogni len il so carûl
• ogni len la sô pome
• par un colp nol cole il len
• tor di un len si taie tantis stielis
• un len sec al cjape plui prest che no un vert
• un len sec al cjape prime che no un vert
• un len sôl nol fâs fûc