arbul
/à-/
ar|bul
[FO]
-
s.m.
grant organisim vegjetâl cun fust di len, che al vîf par plui agns:
al tirave un tramontan rabiôs che al sivilave jenfri i ramaçs dai arbui, jù pai roncs de culine (Carlo Sgorlon, Prime di sere);
un troi che al lave framieç clapons e arbui di faiâr (Roberto Ongaro, Cretevierte);
lis boschetis di arbui di agacie a mostravin lis ramis spinosis (Franca Mainardis, Grivôr)
Sin. len
, morâr
, pomâr ipon.
, frutamâr ipon.
, frutâr ipon.
Cfr. ramaç
, lidrîs
, scuarce
, fuee
, riscle
, len
, pês2
, blancum
, negrum
, medole
, rose
, flôr
, pome
, glove
, frascje
-
s.m.
[TS, CO]
mar.
tes nâfs e tes barcjis, struture in forme di pâl che e à di rezi lis velis:
si alçava un fregul di maistri su la aga, plantarin l'arbul e la pizula vela slambrada (Federigo Comelli, Il me paîs);
no rivarin a meti in aghe i rems che l'arbul grant al començà a cricâ e a vuicâ a fuart (Gianluca Franco, Re Ricart in Friûl)
-
s.m.
[TS]
sient.
struture che e rapresente cuntun grafic i rapuarts jerarchics tra elements:
la notazion sintatiche e consist intal fâ fûr des frasis intal corpus struturis sintatichis (par solit cu la forme di un arbul sintatic) (Vladimír Petkevič, trad. di Zorç Cadorin, Corpus linguistics);
la disposizion par mieç di grafics, tabelis, arbui no sarès altri che […] il riflès mentâl de rivoluzion gutenberghiane (Mario Turello, Il brevet)
-
s.m.
[TS]
mec.
element slungjât che al trasmet o che al ricêf il moviment produsût di un altri mecanisim:
arbul motôr;
arbul di trasmission
Sin. as2
Polirematichis e espressions idiomatichis
Proverbis:
- al prin colp nol cole l'arbul
- bisugne pleâ l'arbul co al è zovin
- bisugne pleâ la bachete, l'arbul si romp
- cui che al colte l'arbul al mangje la pome
- cui che al servìs l'arbul al mangje il pom
- cuntun colp nol cole l'arbul
- dreçâ l'arbul fin che al è zovin
- il ramaç si taie dal arbul
- l'arbul al cole di chê bande che al pent
- l'arbul al cole di chê bande che al plee
- l'arbul si sglove prin di rivâ al cîl
- miôr un uciel in man che no dîs sul arbul
- no si taie mai l'arbul cuntun sôl colp
- no stâ taiâ l'arbul che ti à parât de ploie
- un arbul che nol florìs nol da pomis
- une vît cence arbul no sta sù