glove
/-ò-/
glo|ve
[CO]
-
s.f.
ramaç che si divît in plui ramaçs plui piçui e part dal ramaç che si divît in doi:
un len zovin, ben formât, cul tronc slis e avuâl e la glove basse, che ancje a mi mi lave ben di rimpinâmi (Sandri Secco dai Juris, A cjariesis sù pe Riviere);
la cjase dai Tovis, cul curtîl lunc, il morâr centenari, a glovis gropolosis (Maria Forte, La rive di Sant Pieri);
sul fogolâr al ardeve za il prin braç di manei di olnâr jenfri une çocje di rôl e une glove di morâr, il nadalin di chel an (Pieri Menis, Il pignarûl)
Sin. bivort
, bavore
-
s.f.
len che di une bande al à dôs estremitâts che si slargjin, plantât par tiere e doprât par fermâ il cuel di une bestie di inferâ, di molzi e v.i.:
gno pari che i veve za gjavâts i furniments [ae cjavale] le pee cu la cjavece tor dal pâl de glove (Carlo Zanini, A inferâ la cjavale);
tignude ferme come une bestie te glove (Roberto Ongaro, Cretevierte)
-
s.f.
[TS]
tecn.
baston cun plui pontis doprât par rompi la caglade:
si messede par 20 minûts cu la glove, il sîr al jes de caglade e il formadi si suie (Oscar Puntel, Il formadi di mont);
cuant cu ero oro al à mitût lu cali, al à messjedât cu la glovo, spietât che a si inclaglissjo (Pieri Pinçan, Gjiviano. Contos e riguarts)
Cfr. ghitare
-
s.f.
[TS]
arch.
sprolungje di mûr sul colm de façade des glesiis che no àn un vêr tor, cuntune buse li che e je la cjampane:
la crosute sul colm de glove e slusicave come la prime volte, e la cjampanute, sot, e sunave e sunave cun chê vôs di frute che al pareve che e vignìs dal fonts dai secui (Dino Virgili, La aghe da pît la cleve);
nissun al mont no varès podût sunâ las cjampanes cence entrâ intal interno da gleisie, dulà che a vegnin jù las cuardes da glove (Marie Gentile Gortani, Las cjampanes da Madone di Sant Pieri)
Sin. toresse