ramaç
/-àç/
ra|maç
[FO]
-
s.m.
part di len di un arbul che e partìs dal tronc, là che a menin lis fueis, lis rosis e lis pomis:
a rivin dulà che la strade si bute sot vie dai ramaçs dai cjastinârs che le sierin parsore di mût che la lûs de sere e travane sì e no (Meni Ucel, Misure);
al è dut un cidinôr, dome l'aiar al fâs sunsûr jenfri i ramaçs dai peçs (Marisa Moretti, Neveade);
il 'sisulâr par butâ jù la cjavelade nol à spietât la zulugne. Velu che al slargje i ramaçs za nûts e neris e ingredeâts come che a fossin tancj sgrifs (Catarine Percude, Il cjan blanc di Alturis)
Sin. bachet
, branc
, ram2
, ramade2
, ramascje
, rame1
Cfr. arbul
, plante
-
s.m.
(fig.)
cualsisei part, division, sotdivision e v.i. di une struture o di un fenomen:
li stradi da la mont […] a samein veni fondi che a si disgropin da un ramaç grues e a si slontanein simpri pi minudi. Uchì il ramaç grues a è la Tramuntina che a sa la cjapa là che al finìs il plan four di Midun (Novella Cantarutti, Stradi pa la val da la Miduna);
in cimitieri, a Udin, sot dai puartis a man drete dal stradon, i trê ramaçs de cjase Somede a àn la lôr sepulture (Pieri Somede dai Marcs, I "resti");
i Carnics che a ocuparin il Friûl a partignivin, duncje, a un ramaç diferent di chei Celtics che, de Svuizare o de Galie, a rivarin ta la alte Italie (Josef Marchet, Cuintristorie dal Friûl fin sot la Italie)
Sin. branc
, ram2
, rame1
-
s.m.
[TS]
anat.
division principâl o secondarie di un vâs dal sanc, di un gnerf o di un vues
Sin. ram2
-
s.m.
[TS]
antrop.
categorizazion sistematiche di ordin sot de specie
Sin. ram2
-
s.m.
[TS]
mat.
insiemi dai ponts di une curve plane che a apartegnin al intor di un pont, che lis sôs coordenadis x e y a son esprimudis in seriis di potencis di un ciert parametri
Sin. ram2
Proverbis:
- il ramaç si taie dal arbul
- la aghe no à ramaçs