branc
branc
[CO]
-
s.m.
ogni element che al partìs o si svilupe di un cuarp o di un tronc deventant une sprolungje:
na brassadura di branc dal sirisâr / a sflamiea / tal fogolâr (Ovidio Colussi, Brassadura);
vie par chest caz di troi jenfri arcacis e pôi, jenfri brancs che ti sgrifignin la piel de machine (Stiefin Morat, Donald dal Tiliment)
Sin. ram2
, ramascje
, rame1
, ramaç
-
s.m.
part di un flum o di un lâc che e forme un cors o un braç autonom:
la aga a ven four da li fuessi scuridi dai gorcs, a si slargja in brancs imbarlumîts e la aria a si implena di chel cesedâ cuiet (Novella Cantarutti, Cuant che la cjera a samea mê mari);
il Judri al jere vignût jù pe vile, miezis lis cjasis sdrumadis, e chê des Aganis restade daûr il bran (Catarine Percude, Lis aganis di Borgnan);
Laurinç al à passât doi brancs di aghe e al passe ancje il plui grant (Toni Falescjin, Dal Cuarantevot)
-
s.m.
(fig.)
setôr di une ativitât, di une sience e v.i.:
intal palaç Badoer, sede de Academie, lis "classis" a corispuindin ad ancjetantis salis e i lûcs ai diviers brancs dal savê (Mario Turello, Il brevet)
Sin. dissipline
, ordin
, ram2
, ripart
, sezion
, sfere
-
s.m.
[BF]
grup di animâi de stesse specie:
un branc di lôfs plens di fam che al jere a passâ par li (Sandri Di Suald, Salvans!);
un branc di pioris, di cjavris (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. trop2
-
(spres.)
ancje riferît a personis:
stimât sarà chel prepotent, chel grant, / che ten un branc di sgheros-servitôrs (Ermes di Colorêt, I, 262)