pome
/pò-/
po|me
[AF]
-
s.f.
prodot des plantis disvilupât de rose, pal solit calcolât di aliment, e dispès di savôr dolç, tant che miluç, piruç, pierçul, armelin, ue e v.i.:
l'an al sarà abondant / di siale e di forment, / di pomis e di vin (Pieri Çorut, Pronostic del 1833);
il miluç al è ancje la pome che si rive miôr a conservâ daspò racuete (Sandri Carrozzo, Il miluç de magne);
o ai fat preparâ te sale grande da la ostarie de «Cjampane» une cenute pai atôrs, e lôr i tignivin tant. Cuant che si veve di mangjâ lis pomis e la fuiace un frutat al mi dîs […] (Pieri Somede dai Marcs, La comedie dal mus)
Cfr. frut2
-
[TS]
bot.
struture de plante che e conten l'ovari madûr, lis semencis e il lôr rivistiment
-
s.f.
(fig.)
prodot, risultât di un ciert lavôr, consecuence di une cierte dinamiche:
i Furlans no formaran plui une ecezion fra ducj i popui de tiere, comprindûts i altris Ladins, e la pome de libertât, completamentri madure, e colarà a la plui lizere bavesele (Achil Telin, La Patrie Ladine, disp. 6-18)
Proverbis:
- cui che al colte l'arbul al mangje la pome
- il pôl nol fâs pomis
- lis pomis ai fruts e la corone ai viei
- ogni jerbe e fâs la sô semence e ogni len la sô pome
- ogni len la sô pome
- ogni pome e à il so mani
- ogni pome te sô stagjon
- pomâr masse cjamât nol ten sù dutis lis pomis
- un arbul che nol florìs nol da pomis