morâr
mo|râr
[FO]
-
s.m.
arbul dal gjenar Morus, in particolâr Morus alba e Morus nigra, alt fintremai a vincj metris, ma pal solit tignût plui bas, ancje par cjapâ lis fueis par che lis mangjin i cavalîrs:
prâts segnâts par confin di riis di pôi o di morârs che, in chê stagjon, a parevin fantasimis cui braçs a larc, secs e sclendarîts (Roberto Ongaro, Cretevierte);
lôr a varessin volût meti vîts, ma lui no «Vigne a 'ndi vin avonde» ur disè «Miôr morârs cumò che la sede e va sù» (Maria Forte, La tiere di Lansing);
sul fogolâr al ardeve za il prin braç di manei di olnâr jenfri une çocje di rôl e une glove di morâr, il nadalin di chel an (Pieri Menis, Il pignarûl);
sul prât il piorâr al soflave tun sivilot fat di scusse di morâr (Pieri Somede dai Marcs, Clâr e scûr)
Cfr. moraresse
-
s.m.
(par anton., centr., merid.)
des bandis dal Friûl dulà che al jere plui plantât, ancje cun sens gjenerâl par dî cualsisei sorte di arbul:
come che si dîs, nol jere di cjalâ dome i morârs ma il bosc (Dario Chialchia, Diari di un progjet didatic: etnografie par furlan te scuele)
Sin. arbul
, len
, plante
Polirematichis e espressions idiomatichis
Proverbis:
- copâ int, palâ nêf, sbroiâ morârs e spacâ coculis, al è dut timp pierdût
- cul timp e cul lavôr il morâr al devente sede
- taiât il morâr, e cesse la ombrene